اللى مكتوب على الجبين لازم تشوفه العين -مقدر وكتوب - قسمتى ونصيبى كده اكيد سمعنا الكلام ده كتير جدا اويمكن نكون رددناه فى حياتنا لكن حد فكر مرة يعنى ايه قسمة ونصيب!! من وجهة نظر بعض الناس ان القسمة والنصيب اللى هو كاتبهولى ربنا انا لازم اشوفه ولازم اعيشه فى حياتى يعنى بالاختصار (القدرية) يعنى انا مجبر على كل امر فى حياتى يعنى انا مجرد عروسة بيحركها الله زى ما هو عايز لكن طبعا الكلام ده مش صح .. لان الله خلق الانسان حر يعنى مينفعش وميقدرش يجبره على حاجة هو مش عايزها والدليل انه انا اللى باختار اشتغل الشغلانة ده وبارفض غيرها وكمان انى لما احب ارتبط هاختار فلان او فلانة بارادتى وبعد ما اختار واواجه مشاكل بارجع لربنا واقوله ليه سمحت وكلمة ليه اللى كتير ما بنقولها لربنا لما نواجه مشاكل فى اختيارتنا بالرغم من ان ربنا ملوش دور وانا اللى اخدت القرار وانا اللى اخترت .......... يا شباب ربنا ادانى ارادة وحرية اختيار الله ماجبرنيش على حاجة انا مش عايزها وكمان ربنا ادانى حرية فى حياتى وهايحسنى عليها لكن الشاطر اللى يعرف يستخدمها صح وكمان يتحمل مسئولية افعاله ونتيجة اختيارته صدقونى ربنا مظلوم معاناجدا ....... ياريت بجد يا جماعة نغير طريقة تفكيرنا وكمانطريقة نظرتنا لامور حياتنا ونفكر الف مرة قبل ما ناخد اى قرار علشان لو فشل اختيارنا منرميش المسئولية على ربنا وربنا يدينا حكمة